" ප්රාදේශීය ලේකම් අභියෝගතා කුසලාන සැහැල්ලු පන්දු ක්රිකට් තරඟාවලිය - 2025"
සෙවනගල ප්රාදේශීය ලේකම් නයන රංජිත් ප්රියශාන්ත මැතිතුමාගේ මගපෙන්වීම යටතේ කාර්යාලයේ සුභසාධක සංගමය විසින් සංවිධානය කරනු ලැබූ ප්රාදේශීය ලේකම් අභියෝගතා කුසලාන සැහැල්ලු පන්දු ක්රිකට් තරඟාවලිය 2025-04-03 වන දින සෙවනගල සීනි ආයතන ක්රීඩාංගණයේදී ඉතා සාර්ථකව පවත්වනු ලැබීය. ප්රාදේශීය ලේකම් කාර්යාලීය කාර්යමණ්ඩලයේ ක්රීඩක ක්රීඩිකාවන්ගෙන් සැදුම්ලත් පිරිමි කණ්ඩායම් 4ක් හා කාන්තා කණ්ඩායම් 4ක්, පිරිමි හා කාන්තා ශූරතාවන් වෙනුවෙන් තරඟවැදුනි. පිරිමි කණ්ඩායම් ලෙස ප්රාදේශීය ලේකම් තුමාගේ නායකත්වයෙන් Warriors කණ්ඩායමත්, ගණකාධිකාරී තුමන්ගේ නායකත්වයෙන් Royals කණ්ඩායමත්, සමෘද්ධි මූලස්ථාන කළමනාකාර තුමන්ගේ නායකත්වයෙන් Gladiators කණ්ඩායමත් හා මානව සම්පත් සංවර්ධන නිලධාරී තුමන්ගේ නායකත්වයෙන් Challengers කණ්ඩායමත් වශයෙන් තරඟවැදුනු අතර ප්රාදේශීය ලේකම් තුමන්ගේ කණ්ඩායම තරඟාවලියේ පිරිමි ශූරතාවය දිනාගත් අතර අනුශූරතාවය මානව සම්පත් සංවර්ධන නිලධාරී තුමාගේ කණ්ඩායම විසින් දිනාගනු ලැබුවා. සහකාර ප්රාදේශීය ලේකම් තුමියගේ නායකත්වයෙන් Gladiators කණ්ඩායමත්, පරිපාලන නිලධාරී තුමියගේ නායකත්වයෙන් Challengers කණ්ඩායමත්, සහකාර සැලසුම් අධ්යක්ෂ තුමියගේ නායකත්වයෙන් Warriors කණ්ඩායමත් හා ප්රධාන කළමනාකාර සේවා නිලධාරී තුමියගේ Royals නායකත්වයෙන් කණ්ඩායමත් කාන්තා ශූරතාවය වෙනුවෙන් තරඟවැදුන අතර පරිපාලන නිලධාරී තුමියගේ කණ්ඩායම කාන්තා ශූරතාවය දිනාගනු ලැබුවා. අනු ශූරතාවය ප්රධාන කළමනාකාර සේවා නිළධාරී තුමියගේ කණ්ඩායම දිනාගනු ලැබීය. ජයග්රාහී කණ්ඩායම් සඳහා කුසලාන හා ත්යාග ප්රදානය ප්රාදේශීය ලේකම් තුමා හා සහකාර ප්රාදේශීය ලේකම් තුමිය අතින් සිදුකරනු ලැබීය.
