2570 වන සම්බුද්ධත්ව ජයන්තිය නිමිත්තෙන් සංවිධානය කරනු ලැබූ සඟසතු දානමය මහා පිංකම.
සෙවනගල ප්‍රාදේශීය ලේකම් නයන රංජිත් ප්‍රියශාන්ත මැතිතුමන්ගේ මූලිකත්වයෙන්, බෞද්ධ කටයුතු සමායෝජක පූජ්‍ය මහගම සාසනසිරි ස්වාමීන් වහන්සේගේ අනුශාසකත්වයෙන්, සහකාර ප්‍රාදේශීය ලේකම් තුමිය, මාණ්ඩලික නිලධාරීන් ඇතුළු සියලු කාර්ය මණ්ඩලයේ සහභාගිත්වයෙන් 2026/05/27 වන දින මහා සංඝරත්නය උදෙසා දානමය පිංකමක් සිදු කරන ලදි. සෙවනගල ප්‍රාදේශීය ලේකම් කාර්යාල පරිශ්‍රයේදී පැවැත්වූ මෙම පිංකම සඳහා මහා සංඝරත්නය වැඩමවා දහවල් දානය සඟසතු කොට පූජා කර, සෙවනගල ප්‍රාදේශීය ලේකම් කාර්යාලයේ සේවය කොට වියෝවූ නිලධාරීන් හා දැනට සේවයේ නියුතු නිලධාරීන්ගේ වියෝවූ ඥාතීන් වෙනුවෙන් පුණ්‍යානුමෝදනා කිරීම හා ප්‍රාදේශීය ලේකම් තුමා ඇතුළු කාර්ය මණ්ඩලයේ සියලු දෙනා හට සෙත් පැතීමද සිදු කරන ලදි.
