Divisional Secretariat - Sewanagala

"තරුණ කෘෂි ව්‍යවසායකත්ව ගම්මාන වැඩසටහන "

කෘෂි කර්මාන්තය වෙත උනන්දුවක් දක්වන මෙරට තරුණ ප්‍රජාව ජාතික නිෂ්පාදනයේ කොටස්කරුවන් බවට පත් කරමින් මෙරට සංවර්ධන ඉලක්ක සපුරා ගැනීමේ මූලික අරමුණින් " තරුණ කෘෂි ව්‍යවසායකත්ව ගම්මාන වැඩසටහන " මොනරාගල දිස්ත්‍රික්කයෙන් තෝරා ගැනුනු එකම ග්‍රාම නිළධාරී වසම වන සෙවනගල ප්‍රාදේශිය ලේකම් කොට්ඨාසයේ නුගේගලයාය ග්‍රාම නිළධාරී වසමට අදාල ව්‍යාපෘතිය කෘෂිකර්ම අමාත්‍ය ගරු මහින්ද අමරවීර මැතිතුමා, විදේශ රැකියා ප්‍රවර්ධන රාජ්‍ය අමාත්‍ය ඒ.පී ජගත් පුෂ්ප කුමාර මැතිතුමා ,අධ්‍යාපන රාජ්‍ය අමාත්‍ය ගරු විජිත බේරුගොඩ මැතිතුමා ,මොනරාගල දිස්ත්‍රික් කමිටු සභාපති කුමාරසිරි රත්නායක මැතිතුමා,මොනරාගල දිස්ත්‍රික් ලේකම් පසන් එස් .බී. රත්නායක මැතිතුමා සහ සෙවනගල ප්‍රාදේශිය ලේකම් නයන රංජිත් ප්‍රියශාන්ත මැතිතුමා ගේ ප්‍රධානත්වයෙන් 2023.09.18 වන දින ආරම්භ කරන ලදි.

තරුණ කෘෂි ව්‍යවසායකත්ව ප්‍රජාවක් බිහි කිරීම,නවීන කෘෂි තාක්ෂණික උපක්‍රම හා මෙවලම් ග්‍රාමිය ප්‍රදේශ වෙත හඳුන්වාදෙමින් තරුණ කෘෂි ව්‍යවසායකයින් කෘෂි බෝග නිෂ්පාදනය හා අපනයනය වෙත යොමු කිරීම, සත්ව පාලනය හා ඒ ආශ්‍රි‍ත නිෂ්පාදන ආරම්භ කිරිම හා නව රැකිය අවස්ථා උත්පාදනය කිරීම තුලින් ආර්ථික වශයෙන් ශක්තිමත් තරුණ කෘෂි ප්‍රජාවක් බිහි කිරීම මෙම ව්‍යාපෘතියේ සුවිශේෂී අරමුණු වේ.

මෙම වැඩසටහන යටතේ ගොවිජන සේවා දෙපාර්තමේන්තුව මගින් කෘෂි මාර්ග සහ වැව් ප්‍රතිසංස්කරණ ව්‍යාපෘති ආරම්භ කිරීමට නියමිත ය. එමෙන්ම අනෙකුත් ආයතන මගින් අතිරේක බෝග වගාව,පහත රට එලවලු වගාව,කුරක්කන් වගාව,බිම්මල් වගාව,ගෙවතුවගා සංවර්ධනය ,සත්ව පාලන කටයුතු ප්‍රවර්ධනය කිරීමට සහ ඒ සඳහා අවශ්‍ය තාක්ෂණික දැනුම හා පුහුණුව ලබා දීමට ද සැලසුම් කර ඇත.

මෙහි සමාරම්භක අදියර සඳහා සහභාගී වෙමින් කෘෂිකර්ම අමාත්‍යාංශය ,කෘෂිකර්ම දෙපාර්තමේන්තුව ,ගොවිජන සංවර්ධන දෙපාර්තමේන්තුව ,හදබිම අධිකාරිය ,පොල් සංවර්ධන අධිකාරිය ,පොල් වගා කිරීමේ මණ්ඩලය,සත්ව නිෂ්පාදන දෙපාර්තමේන්තුව ,කෘෂි අංශ නවීකරණය ව්‍යාපෘතිය ,SAP ආයතනය යන ආයතන මගින් මෙම ප්‍රදේශයේ ගොවි ප්‍රජාවගේ කෘෂිකර්ම කටයුතු සඳහා අවශ්‍ය කෘෂි උපකරණ ,බීජ කට්ටල, පැල වර්ග හා කුකුල් පැටවුන් බෙදා දීම ද මෙදින සිදුකරන ලදි.
 

" සුභාවිත " ප්‍රාදේශිය සාහිත්‍ය උළෙල 2023.

2023 ප්‍රාදේශිය සාහිත්‍ය  උලෙළ සෙවනගල ප්‍රාදේශිය ලේකම් නයන රංජිත් ප්‍රියශාන්ත මැතිතුමාගේ මගපෙන්වීම යටතේ මෙවර ඉතා උත්කර්ෂවත් අයුරින් 2023/09/07 වන දින සෙවනගල ජාතික පාසල් ශ්‍රවණාගාරයේදී පැවැත්විය. සාහිත්‍යවේදි ලහිරු කිතලගම මහතාගේ සුභාවිත ගීතය පිළිබඳ රසවත් ගීත විචාර වැඩසටහන සමගින් නර්තන අංගයන්ගෙන්ද වැඩසටහන හැඩ විය.සෙවනගල ප්‍රාදේශිය ලේකම් කාර්‍යාලයීය සංස්කෘතික කටයුතු අංශය මගින් සංවිධානය කළ උත්සවය සඳහා සෙවනගල ප්‍රාදේශිය ලේකම් තුමන්, සහකාර  ප්‍රාදේශිය ලේකම් තුමිය ඇතුලු කාර්ය මණ්ඩලය, ප්‍රදේශයේ රාජ්‍ය ආයතන ප්‍රධානින් , විදුහල්පති වරුන්, ගුරු භවතුන් හා දූදරුවන්, ප්‍රාදේශිය වැඩිහිටි බල මණ්ඩලයේ සාමාජික සාමාජිකාවන්, කලාකරුවන්, අනුග්‍රාහක‍ භවතුන් ඇතුළු ප්‍රදේශ වාසීන් බොහොමයක් වැඩසටහනට සහභාගී විය. මෙම උත්සවයට සමගාමීව පැවැත් වූ සාහිත්‍ය තරඟාවලියේ ජයග්‍රාහකයන් සඳහා තිළිණ ප්‍රධානය සිදු විය.

තරුණ කෘෂි ව්‍යවසායකත්ව ගම්මාන නියමු ව්‍යාපෘතිය - 2023කෘෂි කර්මාන්තය කෙරෙහි තරුණ ප්‍රජාව නැඹුරු කර ගනිමින් නවීන කෘෂි තාක්ෂණය ගමට හඳුන්වා දෙමින්, දේශීය හා විදේශීය වෙළඳපළ නිර්මාණය කිරීම අරමුණු කරගෙන කෘෂිකර්ම අමාත්‍යාංශය විසින් "තරුණ කෘෂි ව්‍යවසායකත්ව ගම්මාන" වැඩසටහන ක්‍රියාත්මක කරනු ලබයි. මෙම ව්‍යාපෘතිය යටතේ මූලිකව මුලු දිවයිනේම නියමු ව්‍යාපෘති 11ක් ක්‍රියාත්මක කිරීමට නියමිත අතර ඉන් ඌව පළාත තුල ක්‍රියාත්මක කිරීමට නියමිත එකම නියමු ව්‍යාපෘතිය සඳහා මොනරාගල දිස්ත්‍රික්කයේ, සෙවනගල ප්‍රාදේශීය ලේකම් කොට්ඨාසයේ, නුගේගලයාය ග්‍රාම නිලධාරී වසම තෝරාගෙන ඇත. එම නියමු ව්‍යාපෘතියට අදාළ මූලික සාකච්ඡාවක් 2023 ජුනි මස 27 වන දින සෙවනගල ප්‍රාදේශීය ලේකම් කාර්යාලයේදී පවත්වනු ලැබීය. මොනරාගල දිස්ත්‍රික් පාර්ලිමේන්තු මන්ත්‍රී විදේශ රැකියා ප්‍රවර්ධන ‍රාජ්‍ය අමාත්‍ය ඒ.පී. ජගත් පුෂ්පකුමාර මැති තුමාගේ මූලිකත්වයෙන් පැවති සාකච්ඡාව සඳහා මොනරාගල දිස්ත්‍රික් පාර්ලිමේන්තු මන්ත්‍රී සෙවනගල ප්‍රාදේශීය සම්බන්ධීකරණ කමිටු සභාපති වෛද්‍ය ගයාෂාන් නවනන්ද මැති තුමා, කෘෂිකර්ම අමාත්‍යාංශයේ අධ්‍යක්ෂ ජනරාල් (කෘෂි තාක්ෂණ) තුමන්, අධ්‍යක්ෂක (කෘෂි සංවර්ධන) තුමිය, මොනරාගල අතිරේක දිස්ත්‍රික් ලේකම් තුමා, මොනරාගල දිස්ත්‍රික් සැලසුම් අධ්‍යක්ෂ තුමන්, සෙවනගල ප්‍රාදේශීය ලේකම් තුමන්, සහකාර ප්‍රාදේශීය ලේකම් තුමිය ඇතුළු මාණ්ඩලික නිලධාරී මහත්ම මහත්මීන් හා සෙවනගල ප්‍රාදේශීය ලේකම් කොට්ඨාසයේ රාජ්‍ය ආයතන ප්‍රධානීන් හා අනෙකුත් නිලධාරී මහත්ම මහත්මීන් මෙම අවස්ථාව සඳහා සහභාගි විය.

WhatsApp Image 2023 06 28 at 17.35.08